بەیاضی بێ ناو ئەم ناوە مامۆستا محەمەد عەلی قەرەداغی بۆ پاشماوەی بەیاضێكی بچكۆلە داناوە كە سەرەتا و كۆتایی نەماوە و دیار نییە، كاتی خۆی چەند بووە و چەندی لەناو چووە. ئەوەی كە ماوە نزیكەی (60) لاپەڕەیە (45) لاپەڕەی شیعری مەولەوییە، بە خەتێكی مامناوەندی نووسراوەتەوە. شیعری صەیدی ، مەولانا خالید ، مەنظوومەی (فەرض و سوننەت) یان (كفایة الاسلام) ی بە فارسیی تێدایە. لاپەڕەی (10) بەیت و كەمتر و زیاتری تێدایە. لە كتێبخانەی بەرلین بە ژمارە (9881) پارێزراوە. وە وێنەیەكی ئەم بەیاضە لای مامۆستا محەمەد عەلی قەرەداغی هەیە. |