ئه‌م دیوانه‌ چاپی یه‌كه‌می له‌لایه‌ن پیره‌مێردی شاعیر له‌ ساڵی 1934دا به‌رگی یه‌كه‌م و ساڵی 1940دا به‌رگی دووه‌می بڵاو كرده‌وه‌. ئه‌م چاپه‌ی كه‌ له‌به‌ر ده‌ستدایه‌، بۆ جاری دووه‌م له‌لایه‌ن محه‌مه‌د ئه‌مین قادر ناسراو به‌ كاكه‌ی فه‌لاح‌ (1928-1990)، به‌ یه‌كخستنه‌وه‌ی هه‌ردوو به‌رگه‌كه‌ له‌ دووتوێی (194) لاپه‌ڕه‌دا و له‌ ساڵی 1968 بڵاو كراوه‌ته‌وه‌‌.

سه‌ره‌تا پێشه‌كییه‌كی كاكه‌ی فه‌لاح له‌گه‌ڵ شیعرێكی جوان كه‌ بۆ مه‌وله‌ویی نووسیوه‌، هه‌روه‌ها پێشه‌كییه‌كه‌ی پیره‌مێرد و ناساندنێكی مه‌وله‌وی، پاشان نووسینه‌وه‌ی شیعره‌ گوازراوەکانی مه‌وله‌وی بۆ کوردیی ناوەندی كه ‌له‌لایه‌ن پیره‌مێرده‌وه‌ وه‌رگێڕدراون.