ئه‌م كتێبه لێكۆڵینەوە و لێكدانه‌وه‌ی چه‌ند پارچه‌شیعرێكی مه‌وله‌وییه كه مامۆستا ئه‌بوبه‌كر شێخ جه‌لال ناسراو به ا. ب. هه‌وری (1915-1979)، ساڵی 1972 له دووتوێی (68) لاپه‌ڕه‌دا له‌چاپ دراوه. هه‌ر چه‌نده قه‌باره‌ی ئه‌م كتێبه بچووكه، به‌ڵام یه‌كێكه له سه‌رچاوه ناوازه‌كانی بواری مه‌وله‌ویناسی.
باسێك له شیعر و پێگه‌ی شیعر له‌نێو ئه‌ده‌بی گه‌لاندا، كورته‌یه‌ك له ژیانی مه‌وله‌وی، پاشان لێكدانه‌وه و ڕاڤه‌كردنی چه‌ند پارچه‌شیعرێكی مه‌وله‌وی كه له‌م چه‌ند بابه‌ته‌دا خۆیان ده‌بیننه‌وه، ئه‌وانیش: مه‌وله‌وی، خاتوو عه‌نبه‌ر‌ی خێزانی، فه‌لسه‌فه، ئایین، ڕه‌وانبێژی، هه‌ڵپه‌ڕكێ، مه‌ی و نه‌ی، هه‌روه‌ها هۆنراوه‌ی چیرۆكی له شیعره‌كانی مه‌وله‌ویدا.