لێكۆڵینه‌وه‌یه‌كی ئه‌ده‌بییه له سه‌ر ئه‌ده‌بی كوردی، له لایه‌ن فه‌ریاد فازیل عومه‌ره‌وه نووسراوه، له دووتوێی كتێبێكی (180) لاپه‌ڕه‌ییدا له به‌رلین بەچاپ گه‌یه‌نراوه.
ناوه‌رۆكی كتێب:
نووسه‌ر له ژێر چه‌ند ناونیشانێكی جیاوازدا باس له ئه‌ده‌بی كوردی و ئه‌دیبانی كورد ده‌كات. له سه‌ره‌تادا باسی مێژووی ئه‌ده‌بی كوردی و ئه‌و هۆكارانه‌ی كه كاریگه‌رییان له سه‌ری هه‌بووه ڕوون ده‌كاته‌وه، پاشان باسی هه‌ندێک له شاعیرانی وه‌ک مه‌وله‌وی و نالی و… هتد؛ ده‌كات و شیعر و میتۆده شیعرییه‌كانیان ده‌خاته به‌ر لێكۆڵینه‌وه. سه‌باره‌ت به مه‌وله‌وی، باس له تایبه‌تمه‌ندییه‌كانی شیعری مه‌وله‌وی ده‌كات، جیاوازیی مه‌وله‌وی له‌گه‌ڵ شاعیرانی تردا له ڕووی كێش و قافیه و سه‌روا و كۆمه‌ڵێ بابه‌تی تره‌وه ده‌خاته ڕوو.