مه‌وله‌وی له‌وسفێكی داهێنانكاری كه‌م وێنه‌ی ده‌ست و خامه‌ی زێڕینی خۆی باس له‌وپیتانه‌ ده‌كات كه‌ گه‌وهه‌ر ئاسا له‌نێو ئه‌م ده‌ست و خامه‌ و كاغه‌زه‌دا خۆی نمایش ده‌كات و ده‌فه‌رموێت:

پــەنج بی یـەن وە شەش ، شەش ڕوو كەرد نە پەنـج
حــەریر نـــە مـابـەیـــن بـی یـــەن گــەوهــــەر ســــەنــج

مامۆستای موده‌ریس به‌م شێوازه‌ ڕاڤه‌ی ئه‌م شیعره‌ ده‌كات .

پێنج پەنجەكەم لە گەڵ قەڵەمەكەی دەستما بوون بە شەش. وە ئەم شەشە ڕوویان كردووەتە پێنج پەنجەكەی ترم ، قاقەزەكەیش لە بەینی ئەم دوو دەستەما بووە بە گەوهەر ڕێك خەر. *مەبەستیش لە گەوهەرەكە تیپە نووسراوەكانە.
حەریر: ئاوریشم ، مەبەس قاقەزە . گەوهەر سەنج: گەوهەر ڕێك خەر.

سەرچاوە
*(“دیوانی مەولەوی” كۆكردنەوە و، لێكۆڵینەوەو ، لێكدانەوە و ، لەسەرنووسینی: (مەلا عبدالكریمی مدرس”، پیتی ” پ” لاپەڕە 137 ساڵی 1961).

تێبینی: دەرگای دووبارە بڵاوكردنەوەی هەموو بابەتەكانی ئەم ماڵپەڕەی(حەزرەتی مەولەوی) بۆ هەمووان واڵایە بە مەرجێك ئاماژە بە پەڕەی (mawlawi.krd ) بكرێت.